Iñigo IKT

Askotan, gure klasetarako materiala bilatzerakoan ez dugu nahi duguna aurkitzen (batez ere euskaraz) eta gure material propioa sortzea tokatzen zaigu. Material hau sortzerakoan interneten topatutako edozer erabiltzen dugu. Honek desabantaila bat dauka, jabedun materiala erabiltzen badugu gero material hori konpartitzereakoan arazoak eduki ditzakegu eta berriro ere lehenengo puntura bueltatzen gara, zeinetan ez dugun materialik aurkitzen. Hau ekiditeko material askea erabiltzeko aukera daukagu; hau da, berrerabiltzeko eta moldatzeko aukera ematen digun materiala. Badaude lizentzia ezberdinak, horien artean creative commons  dira ezagunenak. Gainera ez dugu ahaztu behar ikasleen gaitasunak lantzerakoan, curriculumean azlatzen den gaia dela lizentzien asuntoa.  Material hau bilatzea ez da oso zaila eta zenbait aukera azalduko ditut hemen: Google Google bilatzaileak badu aukera bakarrik mota honetako materiala bilatzeko. Horretarako goiko eskubiko horzdun gurpilean klikatu eta b

Azken urteotan ia ikastetxe guztietan darabilgkigun plataforma da moodle. Gaur bere hirugarren bertsioa kaleratu dute. Moodle.org en argitaratu dutenez ez dakar aldaketa radikalik baina bai hobekuntza mordo bat. Agian ez da eskola batean inplantatzeko bertsiorik egokiena normalean bertsio berriak "pulitu" gabe egoten direlako baina saltseatzen hasteko instalatzea ez legoke gaizki. Behean uzten dudan bideoan ikus ditzakezue aldaketa nagusienak. Ikusitakoaren arabera ez dira aldaketa sakonak baina ematen du Moodle 3.1 eta 3.2 bertsioek ekarriko dituztela. Honela, 3.1ak konpetentzietan oinarritutako hezkuntza izango du izpide. Gainera moodle cloud garatzen ari da ere (zuzenean lainoan dagoen moodlea da, instalatu beharrik ez dagoena). Ematen du moodlek etorkizun oparoa duela.

Asteburuan, eta donostiako informatika fakultatean UEUk antolatutako  IEB2015   Informatikari Euskaldunen X. Bilkuraren barruan, code.org euskaratzeko maratoia egin zuten. Han bildutakoek egindako lanari esker code.org %100ean euskaratuta dago. Orain euskaratutako hori onartzea bakarrik falta da. Informazio gehiago hemen daukazue:  http://www.diariovasco.com/sociedad/201511/07/code-euskaraz-20151107174735.html ZORIONAK han egon ziren guztiei!

Askotan software librean ez dira aurkitzen sotware pribatiboan bezain ahaltsuak diren programak (nahiz eta hau gero eta gutxiagotan gertatzen den). 3D edizioaren kasuan aldiz badaukagu programa guztiz ahaltsu eta profesionala gure lanerako: Blender hain zuzen ere. Programa honekin 3D diseinuak, animaizoak eta jokuak egin daitezke. Aspaldi garatzen ari diren programa da eta garapen hau zenbait pelikula irekien batera egiten ari dira. Duela gutxi Blender foundationek bere seigarrena plazaratu zuen hemen azpian ikusgai daukazuena. Honekin batera bere azken bertsioak ere argia ikusi du: 2.76. Windows, Mac eta Linux bertsioak daude ( http://www.blender.org/ ) eta Ubunturen kasuan instalazio zentrotik jeitsi daiteke. Esan beharra dago Blender ez dela erabiltzeko programa erraza baina denborarekin bere interfazea fintzen joan dira eta gero eta intuitiboa dela esan dezakegu. DBH 4tik aurrera erabiltzeko aproposa izan daiteke. Nik ala egin dut eta emaitzak onak izan dira.   Master

Ubuntun bideoa editatzen saiatu naiz bai etxean eta bai eskolan. Batzuetan arrakasta izan dudan arren askotan ez dut lortu nahi nuen emaitza edo gehienetan ez dut lortu programa nahiko establerik lan egiteko.  Egia da Linuxen urtetan zehar, zenbait bideo editore egon direla: Cinelerra, Openshot, Kino, KDEenlive... baina guztiek gauza batengatik edo bestearengatik arazoak sortu dizkidate edo ez dut lortu nahi nuen emaitza. Azken aldian gehienbat Openshot erabili dut baina ikasleekin azkeneko esperientziak nahiko txarrak izan dira: informazio galera, programa ixtea...  Hori ikusita beste bi alternatiba proposatzen ditut: bata xumeagoa eta software askea eta bestea askoz ahaltsuagoa eta software pribatiboa (baina dohakoa dena). Egia da orain arte froga gutxi batzuk baino ez ditudala egin baina nahiko positiboak izan dira. Alde batetik bideo editatzeko tresna profesionala: Lightworks . Pelikula famatuak editatzeko erabili izan den softwarea da eta bere 12 bertsiotik aurrera Linuxe

CODE.org programatzen ikasteko plataforma da. Aurreko sarreretan honi buruz hitz egin dizuet. Udan, UEUk antolatutako ikastaroetan parte hartu nuen CODE.org euskarara itzultzeko ikastaro batetan. Aurtengo Durangoko azokari begira, Code.org euskaraz prest eduki nahi da, bertan egiten diren ekintzak gure hizkuntzan burutu ahal izateko. Gaur egun %27a dago itzulia eta hizkuntza bat publikatu egon dadin %75ak egon behar du. Horretan edozeinek lagun dezake eta esteka honetan badituzue argibideak  http://ttiki.com/340756 nola egin ikusteko. Animatu laguntzera eta ea lortzen dugun!

Opor luze (eta ustez merezitako) batzuen ostean blogari berriro heltzeko momentua iritsi da. Kurtsoa aldaketa dexenterik datorkit: lan aldaketa, eta hezkuntza kontzertatutik publikorako saltoa. Gainera ordenagailua konpontzen eduki dut azken 2 hilabetetan. Honek guztiak kurtso hasiera mugitu xamarra ekarri dit eta orain arte blogerako astirik ez izatea. Hala ere indarberrituta eta gogoekin ekingo diot kurtso honetan ere IKT eta hezkuntza inguruan datozkidan gaiak jorratzera.

Ubuntu eta googleren tresnak erabiltzen dugunon artean askotan faltan botatzen dugu Windowsen aspaldi existitzen den Google Driven bezeroa. Hau da, gure ordenagailuko karpeta batean Driven dugun informazioa sinkronizatzen duen programa. Linuxerako Googlek aspaldi esan zuen arren bertsio bat aterako zuela, ematen du gero eta urrunago dagoela aukera hori. Badaude zenbait aplikazio hori lortzen dutenak. Ezagunenak insync (nire ustez oso ondo funtzionatzen duena baina pagatu egin behar dena) eta Grive (ez dena hain erreza erabiltzen eta azkenaldian aurrerakuntza handirik eduki ez duena) dira.  Bi hauetaz gain badago beste alternatiba bat:  google-drive-ocamlfuse. Kasu honetan ez da programa bezero bat sinkronizatzen dena, baizik eta beste unitate bat moduan driveko disko gogorra gure ordenagailuan muntatzen duena.  Honek bere abantai eta desabantaiak ditu. Alde batetik gure ordenagailuan eroso atzitu ditzakegu karpetak, fitxategiak kopiatu eta gure programa gustokoenekin

Baratzen ureztatze sistemari azken ukituak ematen ari gara. Arduinoaren muntaketa txukundu eta programa fintzen ibili gara. Ponpadun sistemak nahiko ondo funtzionatu die ikasleei eta badaude ere ponparik gabe saiatzen dabiltzanak (PBLetan aniztasuna ere nabari da). Azken hauek, errele baten bidez atexka bat ireki eta isten dute ura pasatzen uzteko. Hurrengo astean azken aurkezpena egingo dute Agenda 21 taldekoen aurrean. Hemen uzten ditut azken argazki batzuk aurrerapenak ikus ditzazuen.

Azken aldian PBL siglak asko entzuten dira hezkuntzaren munduan. PBL (Problem based learning) metodologia, ikasle talde bati arazo bat planteatzean, eta arazo hori autonomiaz (irakaslearen laguntzarekin) konpontzean datza oro har esanda. Askotan, arazoa proiektu hauek ebaluatzea izaten da. Errubrikak horretarako oso baliagarriak diren arren, taldekideen arteko ebaluaketa bat egitea (koebaluaketa deritzona) oso interesgarria izan daiteke. Talde lanak moodleren bitartez ebalua daitezke beste edozein lan ebaluatzen den moduan. Baina gaurko honetan talde lana, taldekideen artean ebaluatzeko tresna bat aurkeztuko dizuet.  Nik erabiltzen dudan tresna Moodlek dakarren inkesta jarduera mota da. Informazio oso baliagarria biltzea ahalbidetzeaz gain oso erraz esportatu eta inportatu daitezke galderak. Horrela, lan-taldeko lana ebaluatzeko txantiloia diseinatu, eta behin eta berriz gure proiektuetan erabili dezakegu. Inkesta bat sortzeko. Moodleko gure kurtsoan irakasle moduan sa

Azken aldian geogebrarekin burrukatzen ibili naiz webean txertatzeko (moodleko pluginarekin ere). Askotan ikasleek arazoak edukitzen zituzten javaren pluginarekin. Gainera ematen du laister chromek ez duela javarako sostengua emango. Alternatibak bilatu nahian, geogebratube aurkitu nuen:  http://tube.geogebra.org/ . Bertan adibide pila bat topatu daitezke eta dirudienez dena html5ean dago garatua konpatibilitate arazoak ekidinez. Ez dut gehiegi erabili baina denbora daukadanean gehiago aztertu eta luzeago idatziko dut honi buruz.

Aurrera goaz gure baratzaren proiektuarekin ( hemen azalpena ). Momentu batean baratza ureztatzeko bonba martxan jartzeko arazoa iritsi zaigu. Bonbak elikatzeko ez zen nahikoa arduinoren indarra (voltaia) eta beraz kanpotik elikatu behar genituen 12 Vekin. Baina, kontrola oraindik ere arduinorekin egitea ezinbestekoa zen. Nola konpondu arazoa? Ikasleak ikertzen egon dira eta erreleak izan dira aukeratutako konponbidea. Baina nola konektatu errele bat arduino eta korronte elektrikora batera eta zirkuitua pizteko seinalea ematea? Erreleak ere 12Vrekin funtzionatzen du eta beraz ezin da arduinorekin elikatu. Errexena lehenik eta behin errelearen konexioak ikustea izango da: Oso garrantzitsua da errelearen  GND konexioa, bai arduinoaren GNDr a (seinalerako erreferentzia moduan) eta bai elikatze iturriko polo negatibora (elikatzeko) konektatzea. Bestalde arduinoren irteera digital bat,  errelearen  IN konexioarekin lotuko dugu agindua jaso dezan.     Bigarr

Geogebra matematikako funtzioak eta azalpen grafikoak emateko programa oso baliagarria da. Gainera ariketak eta jarderak plantea daitezke ikasleek egin ditzaten. Matematikako irakasleak asko erabiltzen zuen eta moodleko plugina instalatzea erabaki nuen. Horrela ikasleek egindako ariketak bertan erregistratu eta kalifikatu daitezke. Jeitsi eta bidali behar izan gabe. Bide batez, nik ere marrazketa teknikoko ikasgaian gehitu ditut. Gure moodleko administrariak baldin bagara oso erraza da plugin bat instalatzea. Moodle pluginsetik ( https://moodle.org/plugins /) nahi duguna aukeratu (kontuan hartu behar dugu hori bai, gure moodle bertsiorako egokia den) eta ordenagailura jeitsi behar dugu. Gero moodlen honako pausoak jarraitu behar ditugu: 1.Gunearen kudeaketan- Pluginak atalean: install ad-ons klikatu: 2. Hurrengo formularioan plugin mota (jarduera kasu honetan), fitxategia (lehen jeitsi duguna) eta arriskuak onartzen ditugula (garrantzitsua da horrelako instalaz

Bada hilabete gutxi gora behera (oporrak tarteko) Baratza 2.0 proiektua aurkeztu nizuela; ikasleekin arduino erabiltzeko (beste gauza batzuen artean) proiektua. Aste hauetan zehar proiektuaren diseinuaz gain Arduinorekin "jolasten" ibili gara. Momentuz esan daiteke esperientzia oso positiboa dela. Ikasleak gustora ibili dira eta proposatutako ariketak aurrera eraman dituzte. Arduino eta S4A martxan jarri dituzte eta gero serbomotorrekin lanean egon dira. Haien aurrerapenak azaltzeko talde bakoitzak blog bana ireki du eta hemen uzten dizkizuet estekak informazio gehiago nahi izanez gero. http://ikasleadbh4.blogspot.com.es/ - 1. Taldea http://lamacetaregablelosguays.blogspot.com.es/   2. Taldea http://baratzelektronikoa.blogspot.com.es/  3. Taldea http://baratzaautomatikoa.blogspot.com.es/  4. Taldea Bestalde, lana zentralizatu eta partekatzeko Moodle erabiltzen ari gara. Forma ematen bukatzean moodle kurtsoetan gehituko dut.

Oporretatik bueltan berriro ere martxan jarri gara. Hurrengo bi hilabeteetan zehar KE eskolak aukera programaren barruan antolatutako "Hezkuntzako ikasketa eta teknologian aditua" ikastaroa egiten ibiliko naiz. Hurrengo sarreretan ikasitakoaren berri emango dut blogaren bitartez.

Lehengo astan Euskadi Irratiko abildua saiorako elkarrizketa egin zidaten. Hemen uzten dizuet:

Azkeneko hiruilabetean DBH4ko ikasleekin Arduino erabiliko dugu egindako froga guztiak eta gero. Informatika eta teknologiako klaseak baliatuz proiektu bat eraman beharko dute aurrera: 2.0 Baratza. Oraindik bakarrik aurkezpena egin zaie eta horretarako PowToon erabili nuen, oso tresna interesgarria. Hemen uzten dut nik egindako aurkezpena eta proiektua aurrera doan heinean joango naiz kontatzen.

Aste honetan eskolan errutinarekin puskatu eta proiektuen astea aurrera eraman dugu DBHn. Astean zehar ez da egon ez ikasgaien ordutegi finkorik, ez espazio finkorik lan egiteko. Ikasleek bere inguruan zeuzkaten errekurtsoak erabili dituzte proiektuak aurrera eramateko. Proiektuetan oinarritutako ikasketari buruzko WIkipediako informazioa hemen . Nire kasuan gehienbat DBH 2 taldekoekin egon naiz "Ternuara Goaz!" proiektua aurrera eramaten. Bertan teknologia eta informatikako gaitasunak jorratu ditugulako, baina baita historia edo plastikakoak ere. Proiektuaren helburua dokumental bat egitea zen. Bertan euskaldunak Ternuan zuten presentzia eta txalupak nola egin behar zituzten azaldu behar zuten. Horretarako bidean maketa bat egin zuten, bideoa muntatu, informazioa bildu... Bukatzeko Albaolara joan ginen San Juan ontziaren erreplika nola egiten ari diren ikusteko. Esperientzia oso interesgarria izan da eta ikasleak oso motibatuta egon dira aste osoan zehar.

Behin arduino aurreko postetan azaldu moduan, martxan jarrita neukala, zerbait pixkat interesgarriago egitea proposatu nion nire buruari. Horretarako zenbait elementu erosi nituen "trasteatzen hasteko". Alde batetik "kit" moduko bat, kable, konektore, LED diodo, potentziometro, protoboard bat, ... zeuzkana. Bestalde 4 serbo edo motore berezi (motore hauek hiru sarrera dituzte, bi argindarrerako eta hirugarrena posizioa emateko). Guztiaren balioa 20$ ingurukoa. Eskola batentzako nahiko gastu txikia esan genezakeena. Ikasleekin egokiena komentatu bezala S4A erabiltzea zela uste nuen eta horrekin jarraituko dut momentuz (ez dakit noraino emango duen). Froga honetan serbo bat arduinorekin konektatu eta programa sinple batekin serbo hori hiru posiziotan kokatuko dut (0, 90 eta 180 gradutan). Lehenik eta behin serboa arduinorekin konektatu behar da. Horretarako protoboard konexio plaka erabiliko delarik. Plaka hauek oso baliagarriak dir

Azken urte honetan nire ebaluaketa sistema hobetzen saiatu naiz. Horretarako errubrikak erabili ditut.  Baina, zer dira errubrikak? Wikipediaren arabera (gazteleraz zegoen eta euskaratu dut): Errubrika, elkarrekin erlazionatutako kriterio eta estandar multzo bat da jarduera edo zeregin bat ebaluatzea helburu duena. Kalifikazio objektiboak egiteko tresna da. Errubrikek ebaluazioa, kriterio zehatzen arabera estandarizatzea ahalbidetzen dute, honela ebaluazioa sinpleagoa eta gardenagoa eginez .  Nahiz eta guztiz objektiboa izatea ezinezkoa den sistema ona iruditzen zait hori lortzeko. Bestalde ikasleek oso ondo ikus dezakete nun egin duten huts eta zertan hobetu dezaketen. Gainera lana hasi aurretik ikasleek ebaluazio irizpideak ikus ditzakete. Badaude sistema dexente errubrikak sortzeko, horien artean ezagunetakoa Rubistar da. Hala ere Moodlek ere aukera hau ematen du eta gure sistema guztiak bateratze aldera nahiago dut aukera hau. Moodleko kurtsoak izeneko orriko kurtsoe

Beti iruditu zait Libreofficek itxura profesionalagoa behar zuela. Egia da betiko lanak egiteko nahikoa eta soberan daukagula suite honekin baina gauza asko begietatik sartzen dira eta orain arte behintzat ez zitzaidan iruditzen hori lortzen zenik. Hona hemen azken urteotako itxura (Openoffficetik eratorria zena). Azken 4.4 bertsioan zenbait tresna interesgarri gehitu dira zentzu honetan eta azken bertsioetarako sortu zen sifr ikono paketea gehituta itxura profesionala lortuko dugu.   Lehenik eta behin ubuntuko repositorioetan oraindik ez dagoen libreoffice 4.4ren repositorioak gehitko ditugu. Horretarako terminalean honako hiru aginduak gehituko ditugu: sudo add-apt-repository ppa:libreoffice/libreoffice-4-4 sudo apt-get update sudo apt-get install libreoffice Badaukagu iada 4.4 bertsioa instalatuta. Bertsio honek eskubian tresnen panel bat gehitzen du. Bertan aukerak modu zuzenagoan aukeratu ditzakegu. Orain lehen esan dugun moduan sifr ikono paketea i

Ikasleekin Arduino erabiltzea lehenengo momentu batean behintzat pixka bat deserosoa izan daiteke. Programazio lengoai bat horrela aurkeztea agian ez da egokiena. Nire klaseetan CODE.org edo Scratchen agertzen diren blokeen bidezko programazioa erabiltzen dut (informazio gehiago Alexander Gabilondoren blogean topatu dezakezue). Horregatik Arduino kontrolatzeko Scratchen bertsioa (S4A) instalatzea egokiena zela iruditu zitzaidan. Betiko moduan Ubuntu 14.04 gainean egingo dut instalazioa baina badaude bertsioak ere Windows eta MACerako. Hona hemen programa instalatzeko eta Arduinorekin konektatzeko jarraitu beharreko pausoak: 1. Lehenik eta behin programa deskargatu behar dugu. Horretarako http://s4a.cat/  web orrian sartu eta bertan Downloads atalean dagokizun sistemaren estekan klik egin. Nire kasuan Linux (Debian) bertsioa. 2. Gainean klik eginez edozein deb pakete moduan instalatzen da Ubuntu software zentroarekin. 3. Programa irekitzean Scratch ezagutzen duzuen