Arduino eta Scratch

Ikasleekin Arduino erabiltzea lehenengo momentu batean behintzat pixka bat deserosoa izan daiteke. Programazio lengoai bat horrela aurkeztea agian ez da egokiena.
Nire klaseetan CODE.org edo Scratchen agertzen diren blokeen bidezko programazioa erabiltzen dut (informazio gehiago Alexander Gabilondoren blogean topatu dezakezue). Horregatik Arduino kontrolatzeko Scratchen bertsioa (S4A) instalatzea egokiena zela iruditu zitzaidan.



Betiko moduan Ubuntu 14.04 gainean egingo dut instalazioa baina badaude bertsioak ere Windows eta MACerako. Hona hemen programa instalatzeko eta Arduinorekin konektatzeko jarraitu beharreko pausoak:

1. Lehenik eta behin programa deskargatu behar dugu. Horretarako http://s4a.cat/ web orrian sartu eta bertan Downloads atalean dagokizun sistemaren estekan klik egin. Nire kasuan Linux (Debian) bertsioa.

2. Gainean klik eginez edozein deb pakete moduan instalatzen da Ubuntu software zentroarekin.


3. Programa irekitzean Scratch ezagutzen duzuenontzat itxura berdina dauka baina Arduinoren sarrera irteerak maneiatzeko zenbait bloke gehitzen ditu.


4. Oraindik ez dugu bukatu. S4A ez da gai Arduinorekin zuzenean komunikatzeko eta Searching board mezuarekin geratzen da. S4Ak ezagutzeko programa txiki bat kargatu behar dugu gure Arduinoan. Horretarako Arduino IDE programa irekiko dugu (Aurreko post batean honen funtzionamendua azaltzen da).


5. Esteka honetatik kargatu behar dugun firmwarea jeitsi behar dugu gure plakan instalatzeko. Behin jeitsita Arduino programatik kargatuko dugu gure plakan. Horretarako File>Open klikatu eta jeitsitako S4A Firmware16.ino fitxategia bilatu. Galdetuko digu ea karpeta bat sortu nahi dugun eta baietz esango diogu.

6. Programa irekita daukagunean Upload botoia kliatuko dugu gure plakan firmware hori kargatzeko.


7. S4A itxi egingo dugu eta berriro ireki. Oraingo honetan gure plaka detektatuko du arazorik gabe programak.


8. Arduinori buruzko lehen postean bezela programa txiki bat egingo dugu. Programak berriro ere 5 segunduz mantenduko du piztuta LED dioda eta segundu batez itzaliko da (LED diodoa 13garren irteera digitala da).


9. Programa egikaritzeko bandera berdea klikatuko dugu eta emaitza lortuko dugu.

Iruzkinak

Argitaratu iruzkina

Blog honetako argitalpen ezagunak

Moodle eta errubrikak

Irudia
Azken urte honetan nire ebaluaketa sistema hobetzen saiatu naiz. Horretarako errubrikak erabili ditut.  Baina, zer dira errubrikak? Wikipediaren arabera (gazteleraz zegoen eta euskaratu dut): Errubrika, elkarrekin erlazionatutako kriterio eta estandar multzo bat da jarduera edo zeregin bat ebaluatzea helburu duena. Kalifikazio objektiboak egiteko tresna da. Errubrikek ebaluazioa, kriterio zehatzen arabera estandarizatzea ahalbidetzen dute, honela ebaluazioa sinpleagoa eta gardenagoa eginez .  Nahiz eta guztiz objektiboa izatea ezinezkoa den sistema ona iruditzen zait hori lortzeko. Bestalde ikasleek oso ondo ikus dezakete nun egin duten huts eta zertan hobetu dezaketen. Gainera lana hasi aurretik ikasleek ebaluazio irizpideak ikus ditzakete. Badaude sistema dexente errubrikak sortzeko, horien artean ezagunetakoa Rubistar da. Hala ere Moodlek ere aukera hau ematen du eta gure sistema guztiak bateratze aldera nahiago dut aukera hau. Moodleko kurtsoak izeneko orriko kurtsoe
Irakurri informazio gehiago

Arduino eta erreleak

Irudia
Aurrera goaz gure baratzaren proiektuarekin ( hemen azalpena ). Momentu batean baratza ureztatzeko bonba martxan jartzeko arazoa iritsi zaigu. Bonbak elikatzeko ez zen nahikoa arduinoren indarra (voltaia) eta beraz kanpotik elikatu behar genituen 12 Vekin. Baina, kontrola oraindik ere arduinorekin egitea ezinbestekoa zen. Nola konpondu arazoa? Ikasleak ikertzen egon dira eta erreleak izan dira aukeratutako konponbidea. Baina nola konektatu errele bat arduino eta korronte elektrikora batera eta zirkuitua pizteko seinalea ematea? Erreleak ere 12Vrekin funtzionatzen du eta beraz ezin da arduinorekin elikatu. Errexena lehenik eta behin errelearen konexioak ikustea izango da: Oso garrantzitsua da errelearen  GND konexioa, bai arduinoaren GNDr a (seinalerako erreferentzia moduan) eta bai elikatze iturriko polo negatibora (elikatzeko) konektatzea. Bestalde arduinoren irteera digital bat,  errelearen  IN konexioarekin lotuko dugu agindua jaso dezan.     Bigarr
Irakurri informazio gehiago

Inkscape bideotutorialak euskaraz

Irudia
Oraingo honetan Inkscaperako bideotutorial batzuek dakartzat. Inkscape kode irekiko marrazketa bektorial programa bat da Windows, Linux eta Mac-erako. Bideotutorial hauekin lehenengo pausoak emateko nozio batzuk ematen dira. Berauek egiteko OBS programa eta powtoon erabili ditut. Gero bideoa kdenlive programarekin muntatuz. Hemen duzue esteka: https://drive.google.com/drive/folders/0B9qBzjtUckqTcU1SSk9iNEptT2c?usp=sharing Norbaitek nahi izanez gero Moodlerako kurtsoa ere egina dut gamifikazio puntu batekin (arazorik gabe eskatu).
Irakurri informazio gehiago