Moodlerekin talde-lana eta PBLak ebaluatzea

Azken aldian PBL siglak asko entzuten dira hezkuntzaren munduan. PBL (Problem based learning) metodologia, ikasle talde bati arazo bat planteatzean, eta arazo hori autonomiaz (irakaslearen laguntzarekin) konpontzean datza oro har esanda.
Askotan, arazoa proiektu hauek ebaluatzea izaten da. Errubrikak horretarako oso baliagarriak diren arren, taldekideen arteko ebaluaketa bat egitea (koebaluaketa deritzona) oso interesgarria izan daiteke.


Talde lanak moodleren bitartez ebalua daitezke beste edozein lan ebaluatzen den moduan. Baina gaurko honetan talde lana, taldekideen artean ebaluatzeko tresna bat aurkeztuko dizuet. 

Nik erabiltzen dudan tresna Moodlek dakarren inkesta jarduera mota da. Informazio oso baliagarria biltzea ahalbidetzeaz gain oso erraz esportatu eta inportatu daitezke galderak. Horrela, lan-taldeko lana ebaluatzeko txantiloia diseinatu, eta behin eta berriz gure proiektuetan erabili dezakegu.

Inkesta bat sortzeko. Moodleko gure kurtsoan irakasle moduan sartu, edizioa aktibatu eta gehitu jarduera edo baliabidea sakatu beharko dugu. Hurrengo pantailan (moodle bertsioaren arabera aldatu daiteke pixka bat) Inkesta aukeratuko dugu:


Gero inkestaren aukerak azalduko zaizkigu. Bertan, gure parametroak definitu ditzakegu (data, anonimotasuna, bidalketa anitzak...). Bertan guri komeni zaiguna konfiguratuko dugu eta gero gorde eta erakutsi sakatuko dugu.

Hurrengo pantailan gure galderak konfiguratu ditzakegu edo goiko fitxetan aukeratuz beste zenbait eragiketa burutu (Ikuspegi orokorra, galderak editatu, txantiloiak, analisia eta erakutsi erantzunak). Aurretik prestatuko inkesta berreskuratzeko edo daukaguna berrerabiltzeko Txantiloiak fitxan klikatuko dugu:
Kasu honetan galderak inportatuko ditugu txantiloia prest geneukalako. Hemendik nik sortutako adibidea jeitsi dezakezu (hasierako txantiloia beste irakasle batek pasa zidan Word formatuan, beraz nik bakarrik moodlera pasatu dut). Behin fitxategia daukagula (hemendik jeitsita edo zuek sortutako bat esportatuz), Inportatu galderak klikatuko dugu. Fitxategia aukeratu bai sakatu eta kitto.

Galderen erantzunak, analisia edo erakutsi erantzunak ataletan ikus ditzakegu, eta baita Excelera esportatu ere. Guzti honek ikasleen lanari buruzko informazio handia eman diezakeguke eta baita proiektua hobetzeko pistak ere








Iruzkinak

Argitaratu iruzkina

Blog honetako argitalpen ezagunak

Moodle eta errubrikak

Irudia
Azken urte honetan nire ebaluaketa sistema hobetzen saiatu naiz. Horretarako errubrikak erabili ditut.  Baina, zer dira errubrikak? Wikipediaren arabera (gazteleraz zegoen eta euskaratu dut): Errubrika, elkarrekin erlazionatutako kriterio eta estandar multzo bat da jarduera edo zeregin bat ebaluatzea helburu duena. Kalifikazio objektiboak egiteko tresna da. Errubrikek ebaluazioa, kriterio zehatzen arabera estandarizatzea ahalbidetzen dute, honela ebaluazioa sinpleagoa eta gardenagoa eginez .  Nahiz eta guztiz objektiboa izatea ezinezkoa den sistema ona iruditzen zait hori lortzeko. Bestalde ikasleek oso ondo ikus dezakete nun egin duten huts eta zertan hobetu dezaketen. Gainera lana hasi aurretik ikasleek ebaluazio irizpideak ikus ditzakete. Badaude sistema dexente errubrikak sortzeko, horien artean ezagunetakoa Rubistar da. Hala ere Moodlek ere aukera hau ematen du eta gure sistema guztiak bateratze aldera nahiago dut aukera hau. Moodleko kurtsoak izeneko orriko kurtsoe
Irakurri informazio gehiago

Arduino eta erreleak

Irudia
Aurrera goaz gure baratzaren proiektuarekin ( hemen azalpena ). Momentu batean baratza ureztatzeko bonba martxan jartzeko arazoa iritsi zaigu. Bonbak elikatzeko ez zen nahikoa arduinoren indarra (voltaia) eta beraz kanpotik elikatu behar genituen 12 Vekin. Baina, kontrola oraindik ere arduinorekin egitea ezinbestekoa zen. Nola konpondu arazoa? Ikasleak ikertzen egon dira eta erreleak izan dira aukeratutako konponbidea. Baina nola konektatu errele bat arduino eta korronte elektrikora batera eta zirkuitua pizteko seinalea ematea? Erreleak ere 12Vrekin funtzionatzen du eta beraz ezin da arduinorekin elikatu. Errexena lehenik eta behin errelearen konexioak ikustea izango da: Oso garrantzitsua da errelearen  GND konexioa, bai arduinoaren GNDr a (seinalerako erreferentzia moduan) eta bai elikatze iturriko polo negatibora (elikatzeko) konektatzea. Bestalde arduinoren irteera digital bat,  errelearen  IN konexioarekin lotuko dugu agindua jaso dezan.     Bigarr
Irakurri informazio gehiago

Inkscape bideotutorialak euskaraz

Irudia
Oraingo honetan Inkscaperako bideotutorial batzuek dakartzat. Inkscape kode irekiko marrazketa bektorial programa bat da Windows, Linux eta Mac-erako. Bideotutorial hauekin lehenengo pausoak emateko nozio batzuk ematen dira. Berauek egiteko OBS programa eta powtoon erabili ditut. Gero bideoa kdenlive programarekin muntatuz. Hemen duzue esteka: https://drive.google.com/drive/folders/0B9qBzjtUckqTcU1SSk9iNEptT2c?usp=sharing Norbaitek nahi izanez gero Moodlerako kurtsoa ere egina dut gamifikazio puntu batekin (arazorik gabe eskatu).
Irakurri informazio gehiago