Oporretatik bueltan
Beste ikasturte bat hastera doa eta asko merezitako oporren ostean bueltan dago bloga. Aurten ere eskola berria eta proiektu berriak. Ea gehiago idazten dudan aurten!
Arduino eta erreleak
Aurrera goaz gure baratzaren proiektuarekin ( hemen azalpena ). Momentu batean baratza ureztatzeko bonba martxan jartzeko arazoa iritsi zaigu. Bonbak elikatzeko ez zen nahikoa arduinoren indarra (voltaia) eta beraz kanpotik elikatu behar genituen 12 Vekin. Baina, kontrola oraindik ere arduinorekin egitea ezinbestekoa zen. Nola konpondu arazoa? Ikasleak ikertzen egon dira eta erreleak izan dira aukeratutako konponbidea. Baina nola konektatu errele bat arduino eta korronte elektrikora batera eta zirkuitua pizteko seinalea ematea? Erreleak ere 12Vrekin funtzionatzen du eta beraz ezin da arduinorekin elikatu. Errexena lehenik eta behin errelearen konexioak ikustea izango da: Oso garrantzitsua da errelearen GND konexioa, bai arduinoaren GNDr a (seinalerako erreferentzia moduan) eta bai elikatze iturriko polo negatibora (elikatzeko) konektatzea. Bestalde arduinoren irteera digital bat, errelearen IN konexioarekin lotuko dugu agindua jaso dezan. ...
Iruzkinak
Argitaratu iruzkina